"Neftçi" 1 milyonluq hücumçuyə təklif göndərib? - Özü açıqladı
“Neftçi konkret təkliflə çıxış etmədi”.
Msport.az xəbər verir ki, bu sözləri “Rapid”in sabiq futbolçusu Marko Duqanciç “digisport.ro” saytına açıqlamasında deyib.
Bu yay “Neftçi”nin maraq dairəsində olan xorvatiyalı hücumçu Səudiyyə Ərəbistanının “Əl-Tai” klubuna keçib. 29 yaşlı forvard seçimini belə izah edib: “Neftçi”nin mənimlə maraqlandığını eşitmişdim. Amma konkret təklif gəlmədi. Problemin nə olduğunu bilmirəm. “Əl-Tai” rəsmiləri daha cəld tərpəndilər. Çox xoşbəxtəm”.
Daha əvvəl, Buxarest təmsilçisi Duqanciç üçün “Neftçi”dən 1 milyon avro təzminat tələb etdiyi bildirilib.
