"Neftçi" millimizin üzvünü transfer etdi
️“Neftçi” növbəti transferini rəsmiləşdirib.
Klubdan Msport.az saytına verilən məlumata görə, milli komandamızın futbolçusu Elvin Camalovla 1,5+1 illik müqavilə imzalanıb.
29 yaşlı dayaq yarımmüdafiəçisi yeni komandasında 4 nömrəli formanı geyinəcək.
“Qəbələ”nin yetirməsi olan Camalov “Zirə” və “Sabah” klublarında da çıxış edib. “Sabah”ın kapitanı olmuş təcrübəli futbolçu 2018/19 mövsümündə “Qəbələ” ilə Azərbaycan Kubokunu başı üzərinə qaldırıb. O, milli komandamızın heyətində 20 oyun keçirib.
