“Neftçi” Mutuya bizdən 5-6 dəfə artıq maaş təklif etdi”
Rumıniyanın “Rapid” klubunun sahibi Dan Şuçu Adrian Mutunun komandadan ayrılaraq “Neftçi”yə baş məşqçi təyin olunması haqda danışıb.
Msport.az xəbər verir ki, o, “Fanatik”ə açıqlamasında Mutunun “Neftçi”dən 5-6 qat daha yüksək məvacib təklifi aldığı üçün “Rapid”də qalmadığını bildirib:
“Xəyanət haqda danışmaq asandır, amma yüksək iqtisadi təzyiqi və beş-altı dəfədən çox maaş təklifi alırsa, çətindir. Mutunu saxlamaq üçün danışıqlar apara bilərdim, ancaq maaş fərqi böyük idi”.
Qeyd edək ki, 2022/2023 mövsümündə “Rapid”i çalışdıran Mutu bu ilin iyul ayında “Neftçi”nin baş məşqçisi təyin olunub.