“Neftçi”nin yarımmüdafiəçisi 2 həftəlik sıradan çıxdı
“Neftçi” Azərbaycan Premyer Liqasının 16-cı turu çərçivəsində “Turan Tovuz”la keçirəcəyi oyuna hazırlığını davam etdirir.
Msport.az xəbər verir ki, Bir müddətdir zədəli olan oyunçulardan İvan Brkiç hələ də fərdi olaraq hazırlığını davam etdirir.
Ataa Caber isə topuğundakı burxulma səbəbi ilə 2 həftə yaşıl meydanlardan uzaq qalacaq.
Qeyd edək ki, “Neftçi” – “Turan Tovuz” oyunu dekabrın 10-u saat 18:00-da “Neftçi Arena”da keçiriləcək.
