Premyer Liqada sensasiya: “İmişli” “Sabah”a qalib gəldi
Azərbaycan Premyer Liqasının III turunun son oyununda “İmişli” səfərdə “Sabah”a qalib gəlib.
Msport.az xəbər verir ki, “Bank Respublika Arena”da keçirilən matçda bölgə təmsilçisi 1:0 hesablı qələbə qazanıb.
Yeganə qolu 67-ci dəqiqədə Abbas Ağazadə meydan sahiblərinin qapısına vurub. İmişli kollektivi cari mövsüm ilk qalibiyyətini əldə edərək 4 xala malik olub. “Bayquşlar” isə 3 xalda qalıb.
Qeyd edək ki, III turun daha əvvəl baş tutan görüşlərində “Turan Tovuz” “Neftçi”ni (1:0), “Zirə” “Kəpəz”i (5:0), “Araz-Naxçıvan” “Qəbələ”ni (2:1), “Qarabağ” “Karvan-Yevlax”ı (2:0) məğlub edib. “Sumqayıt” – “Şamaxı” görüşündə isə qalib müəyyənləşməyib – 1:1.