Premyer Liqamızda daha iki oyun
Bu gün futbol üzrə Azərbaycan Premyer Liqasında XX turun daha iki oyunu keçiriləcək.
“Report”un məlumatına görə, günün ilk matçında “Səbail” “Kəpəz”i qəbul edəcək.
Gəncə təmsilçisi 14 xalla 9-cu, “dənizçilər” 12 xalla 10-cu pillədə qərarlaşıb.
Günün ikinci qarşılaşmasında “Sabah” “Sumqayıt”ı qəbul edəcək. “Bayquşlar” 27 xalla beşinci, “gənclik şəhəri” təmsilçisi 20 xalla altıncıdır.
Azərbaycan Premyer Liqası, XX tur
25 yanvar
16:00. “Səbail” – “Kəpəz”
Hakimlər: Əliyar Ağayev, Zeynal Zeynalov, Akif Əmirəli, Fərid Hacıyev.
VAR: Tural Qurbanov.
AVAR: Elşad Abdullayev.
Hakim-inspektor: Rəhim Həsənov.
“ASCO Arena”
18:30. “Sabah” – “Sumqayıt”
Hakimlər: Elçin Məsiyev, Pərvin Talıbov, Rəhman İmami, Rəşad Əhmədov.
VAR: Nicat İsmayıllı.
AVAR: Asiman Əzizli.
Hakim-inspektor: Orxan Məmmədov.
“Bank Respublika Arena”
Qeyd edək ki, tura yanvarın 26-da yekun vurulacaq. Ötən gün “Zirə” səfərdə “Şamaxı”ya qalib gəlib – 2:1.
