Premyer Liqamızda üç futbolçu cəzalı durumda
Azərbaycan Premyer Liqasının XXIII turunda üç futbolçu cəzalı duruma düşüb.
Msport.az xəbər verir ki, bu oyunçulardan ikisi 4-cü, biri 8-ci dəfə sarı vərəqə aldığı üçün növbəti turu buraxacaq.
“Səbail”in “Araz-Naxçıvan”la görüşündə iki futbolçu cəzalı duruma düşüb. Adi Mehremiç mövsümdə 8-ci sarı vərəqə ilə cəzalanıb. O, “Səbail”in “Sabah”la görüşündə iştirak etməyəcək. İqor Ribeyro isə “Zirə” ilə ev qarşılaşmasını buraxmalı olacaq. O, cari çempionatda 4-cü xəbərdarlığı alıb.
“Sumqayıt” isə Tresor Mossini itirib. “Turan Tovuz”la matçda aldığı sarı vərəqə onun üçün mövsümdə 4-cü olub. Mossi “Qarabağ”ıa səfər görüşündə oynamayacaq.
Qeyd edək ki, XXIV turun matçları martın 1-3-də keçiriləcək.
