"Qarabağ" - "Ayaks" oyununun biletləri satışda
UEFA Avropa Liqasının Liqa mərhələsi çərçivəsində keçiriləcək “Qarabağ” – “Ayaks” (Niderland) oyununun biletləri bu gün saat 12:00-dan etibarən satışa çıxarılacaq.
Msport.az xəbər verir ki, matçın biletlərinin qiyməti müvafiq olaraq 5, 20, 30, 40, 75 və 150 manat təşkil edir.
VVIP C və VVIP D sektorlara bilet alaraq, VIP Lounge üstünlüklərindən yararlanmaq istəyən azarkeşlər üçün biletlərin qiyməti isə 300 manatdır.
Biletləri aşağıdakı satış məntəqələrindən əldə edə bilərsiniz:
– iTicket.az-ın satış məntəqələri (iTicket.az-da onlayn satış);
– Park Bulvardakı “Qarabağ” FK-nın Fan-Şopu;
– Tofiq Bəhramov adına Respublika stadionunun kassaları.
Qeyd edək ki, qarşılaşma oktyabrın 24-də Tofiq Bəhramov adına Respublika stadionunda baş tutacaq.
