"Qarabağ"ın avrokubok matçları ilk dəfə Suraxanıda
“Qarabağ” avrokubokların ilk iki təsnifat mərhələsini fərqli stadionda keçirəcək. Msport.az xəbər verir ki, Ağdam klubu çempionat oyunlarını keçirdiyi “Azərsun Arena”da rəqiblərini qəbul edəcək.
Buna səbəb isə “Sabah” və “Beşiktaş” arasında xeyriyyə matçından (3:3) sonra Tofiq Bəhramov adına Respublika stadionunun qazonunda planlı təmir işləri aparılmasıdır.
“Qarabağ” ilk dəfə 5000 tamaşaçı tutumuna malik “Azərsun Arena”da avrokubok oyunu keçirmiş olacaq. İyulun sonuna kimi isə Tofiq Bəhramov adına Respublika stadionunun oyunlara hazır olacağı gözlənilir. (Sportal)