“Qarabağ”ın legionerləri millidə
“Qarabağ” klubunun bir neçə legioner futbolçusu milli komandalarına dəvət alıblar.
Msport.az xəbər verir ki, bu barədə Azərbaycan çempionunun mətbuat xidməti məlumat yayıb.
Marko Yankoviç və Marko Veşoviç Monteneqro, Yassin Benzia Əlcəzair, Luka Quqeşaşvili Gürcüstan, Patrik Andrade isə Kabo-Verde millisinə dəvət alıb.
Qeyd edək ki, “Qarabağ” başa çatan mövsümdə Azərbaycan Premyer Liqasının və ölkə kubokunun qalibi olub.
