“Qarabağ”ın oyununun biletləri 3 manata
Azərbaycan Premyer Liqasının 26-cı turunda keçiriləcək “Qarabağ” – “Zirə” qarşılaşmasının biletləri bu gün 14:00-dan etibarən iticket.az-da satışa çıxarılacaq.
Msport.az xəbər verir ki, biletlərin qiyməti sektorlara uyğun olaraq 3, 7 və 15 manat təşkil edir.
Biletlər iticket.az-da onlayn, həmçinin oyun günü Tofiq Bəhramov adına Respublika stadionunun kassalarında da satışda olacaq.
Qeyd edək ki, “Qarabağ” – “Zirə” matçı martın 10-da saat 18:00-da başlanacaq.
