“Qarabağ”ın UEFA-dan qazancı
“Qarabağ” Çempionlar Liqasının əsas mərhələsinin ikinci turunda Bakıda “Kopenhagen”i 2:0 hesabı ilə məğlub etdiyi üçün kluba növbəti bonusu qazandırıb.
Msport.az xəbər verir ki, bu qələbə Ağdam klubuna əlavə olaraq 2 milyon 100 min avro (təxminən 4,2 milyon manat) zəmanəti verib ki, bu məbləği də artıq Azərbaycan çempionu “Benfika” ilə (3:2) görüşdə əldə edib.
Beləliklə, iki turdan sonra “Qarabağ” qazandığı qələbələrə görə UEFA-dan minimum 4 milyon 200 min avro (təxminən 8,4 milyon manat) qazanıb.
Davamlı uğurlar daha çox bonuslar gətirəcək. UEFA həmçinin ümumi turnir cədvəlində sonuncu yer üçün ödənişlər, turnirin marketinq komponenti üçün bonusları da klublar arasında bölüşdürəcək.
Qeyd edək ki, Ağdam klubu Çempionlar Liqasının əsas mərhələsinə yüksəlməklə artıq özünə 18 milyon 620 min avronu (təxminən 37 milyon manat) klubun büdcəsinə əlavə edib.
