"Qarabağ" "Kəpəz"i darmadağın etdi
Azərbaycan Premyer Liqasında mövsümün ikinci yarısına hazırlaşan “Qarabağ” komandası ilk yoxlama oyununu keçirib.
Msport.az xəbər verir ki, Qurban Qurbanovun baş məşqçisi olduğu kollektiv “Kəpəz”lə üz-üzə gəlib.
Matçda Ağdam təmsilçisi 5:1 hesablı qələbəyə sevinib.
Ev sahiblərinin heyətində Aleksey Kaşuk (5, 14, 35), Emmanuel Addai (38), Davud Məsumov (64) fərqlənib. Gəncəlilərdən isə Ehtiram Şahquliyev (67) adını tabloya yazdırıb.
Qeyd edək ki, Ağdam təmsilçisi yanvarın 12-də ikinci yoxlama matçında “Zirə” ilə qarşılaşacaq.
