“Qarabağ” – “Neftçi” oyununun biletləri satışda
Azərbaycan Kubokunun yarımfinal mərhələsində keçiriləcək “Qarabağ” – “Neftçi” qarşılaşmasının biletləri bu gün saat 12:00-dan etibarən iticket.az-da satışa çıxarılacaq.
Msport.az xəbər verir ki, bu barədə Ağdam təmsilçisi mətbuat xidməti məlumat yayıb.
Biletlərin qiyməti sektorlara uyğun olaraq 3, 7 və 15 manat təşkil edir.
Biletlər bu gün iticket.az-da onlayn, həmçinin oyun günü Tofiq Bəhramov adına Respublika stadionunun kassalarında da satışda olacaq.
Qeyd edək ki, ilk görüşdə Ağdam təmsilçisi 4:0 hesabı ilə qalib gəlib.
