“Qarabağ” yeni tarixin bir addımlığında
Azərbaycanın UEFA Çempionlar Liqasındakı təmsilçisi “Qarabağ” pley-off mərhələsində cavab oyununa çıxacaq.
Msport.az xəbər verir ki, komanda Macarıstanın “Ferensvaroş” kollektivini qəbul edəcək.
Tofiq Bəhramov adına Respublika Stadionunda keçiriləcək görüş saat 20:45-də başlanacaq. Fransadan olan hakimlər briqadasının idarə edəcəyi qarşılaşma “CBC Sport” kanalı vasitəsilə canlı yayımlanacaq.
Qeyd edək ki, komandalar arasında Macarıstanda baş tutan ilk matçda “Qarabağ” 3:1 hesablı qələbə qazanıb. Azərbaycan çempionu bu üstünlüyünü qoruyarsa, Azərbaycan futbolu adına yeni tarix yazaraq, turnirin Liqa mərhələsinə vəsiqə qazanacaq.
UEFA Çempionlar Liqası
Pley-off mərhələsi, cavab oyunu
27 avqust
20:45. “Qarabağ” (Azərbaycan) – “Ferensvaroş” (Macarıstan)
Hakimlər: Kleman Turpin, Nikolya Danos, Aleksis Auqer, Romen Lissorq
VAR hakimləri: Jerom Brisar, Nikolya Renvill (hamısı Fransa)
Tofiq Bəhramov adına Respublika Stadionu
