“Qəbələ” yoxlama oyununda qalib gəldi
Yeni mövsümdən I Liqada çıxış edəcək “Qəbələ” çempionata hazırlığı davam etdirir. Msport.az xəbər verir ki, Kaxaber Sxadadzenin komandası “Cəbrayıl”la yoxlama oyunu keçirib.
Qəbələ şəhər stadionunda keçirilən görüş meydan sahiblərinin 5:2 hesablı qələbəsi ilə başa çatıb.
“Qəbələ”nin heyətində Abdullahi Şaybu, Elvin Yunuszadə (penalti), Domi Jaures (dubl), Mehrac Baxşalı fərqləniblər.
Qeyd edək ki, “Cəbrayıl” da yeni mövsümdə l liqada mübarizə aparacaq.
