Rahil Məmmədov oynadı, komandası qələbə qazandı
Azərbaycan millisinin futbolçusu Rahil Məmmədovun şərəfini qoruduğu LKS Polşa çempionatında növbəti matçına çıxıb.
Msport.az xəbər verir ki, Lodz təmsilçisi XXIV turda səfərdə “Varta” ilə üz-üzə gəlib.
Qarşılaşma LKS-nin minimal hesablı qələbəsi ilə bitib – 1:0.
Start heyətində meydana çıxan Məmmədov sonadək meydanda olub.
Qeyd edək ki, qalibiyyət sayəsində xallarının sayını 16-ya çatdıran LKS hələ də sonuncu pillədə qalıb.