Rahil Məmmədov Polşa klubuna nə vaxt qoşulacaq?
“Qarabağ”dan LKS-ə transfer olunan Rahil Məmmədovun yeni klubuna qoşulacağı tarix müəyyənləşib.
Msport.az xəbər verir ki, Azərbaycan millisinin müdafiəçisi yanvarın 20-də Bakını tərk edəcək.
28 yaşlı oyunçu həmin gün Türkiyənin Side şəhərinə yollanacaq. Çünki Lodz təmsilçisi qardaş ölkədə qış təlim-məşq toplanışındadı. Rahil də orada kollektivlə birlikdə məşqlərə qatılacaq. Onun komandası toplanış zamanı 4 yoxlama görüşü keçirəcək.
Qeyd edək ki, LKS-in Polşa çempionatının növbəti turundakı oyunu fevralın 12-də olacaq. Komanda həmin gün “Korona”nın qonağı olacaq.
