Rahil Məmmədovun komandası yenə məğlub oldu
Azərbaycan millisinin futbolçusu Rahil Məmmədovun çıxış etdiyi LKS Polşa çempionatında növbəti oyununu keçirib.
Msport.az xəbər verir ki, Marçin Matisyakın baş məşqçisi olduğu komanda “Poqon”la üz-üzə gəlib.
Qarşılaşma rəqibin 4:2 hesablı qələbəsi ilə bitib. Məmmədov 90 dəqiqə meydanda olub. Bu, Lodz klubunun ardıcıl üçüncü məğlubiyyətidir.
Qeyd edək ki, LKS Ekstraklasada 10 xalla turnir cədvəlinin sonuncu pilləsində qərarlaşıb. Komanda 2-ci dövrənin ilk iki oyununda “Korona” (1:2) və “Vidzev”ə (0:2) uduzub.