Rauf Əliyev minifutbol millisində
Azərbaycan milli komandasının sabiq hücumçusu, hazırda “İnter” minifutbol komandasında çıxış edən Rauf Əliyev yığmaya dəvət edilib.
Msport.az xəbər verir ki, Əliyev Monteneqroda keçiriləcək turnirdə milliyə kömək olacaq.
Millinin çalışdırıcısı Elşad Quliyev millinin heyətində daha bir neçə dəyişiklik etməyi planlaşdırır.
35 yaşlı hücumçu Azərbaycan millisində 46 matçda forma geyinib və 7 qol vurub.
