Santuş yenə legioner limi ilə bağlı sualdan qaçdı:"Bu,mənə aid olan məsələ deyil"
Milli komandamızın baş məşqçisi Fernandu Santuş DÇ-2026-nın seçmə mərhələsi çərçivəsində sentyabrın 5-də səfərdə İslandiya və 9-da Bakıda Ukrayna ilə keçiriləcək oyunlardan öncə mətbuat konfransı keçirib.
Msport.az xəbər verir ki, portuqaliyalı mütəxəssis jurnalistlərin suallarını cavablandırıb:
-Legioner limitinin əlehinə çıxmadığınıza göeə peşman deyilsiz?
-Əvvəlcə “Qarabağ”ı Çempionlar Liqasının liqa mərhələsinə vəsiqə qazanması münasibəti ilə təbrik edirəm. Bu, klub üçün böyük uğurdur. Bu münasibətlə Qurban Qurbanov və futbolçularını təbrik edirəm. İndi Avropada bir müddət “Qarabağ”ın uğurlarından danışacaqlar.
Sizin suala gəlincə, bu mənə aid olan məsələ deyil. Mən məşqçiyəm və öz işimlə məşğulam. Bu məsələ ilə məşğul olan insanlar var.
-Niyə Bədavi Hüseynova dəvət göndərilməyib, öz klublarında oynamayan Rza Cəfərov və Aydın Bayramov kimi qapıçılar milliyə çağırılıb.
-Məşqçi kimi istərdim ki, mənim bütün futbolçularım klublarında oyasınlar. Lakin hazırda bizdə reallıq budur. Kim varsa, onlarla işləyəcəyik. Biz oyunları izləyirik və təhlil edib ən yaxşıları çağırırıq. Bədaviyə hörmətim var, amma onu oyun təcrübəsi olmadığı üçün çağırmadıq. Onun üzərindən xətt çəkmirəm, ümid edirəm ki, hələ millidə görəcəm. Belə qərarları vermək heç də asan deyil.
-Qarşıdakı oyunlarda hansı nəticələrə ümid edirsiz?
-Futbolda istənilən nətciə qeydə alına bilər. Son oyunlarımıza və məşqlərimizə əsasən deyə bilərəm ki, uşaqlar yaxşı çalışırlar. Bu da müsbət nəticələrə ümid verir. Ümid edirəm ki, bu ritmdə də davam edərlər. Biz hamımız millidən qələbələr gözləyirik.
-Niyə bu mövsüm qol buraxmayan Mehdi Cənnətov millidə dəvət olunmayıb?
-O, pasportla bağlı problemlərinə görə çağırıla bilməzdi. Eyni məsələ Vüsal İsgəndərliyə də aiddir.
-Uğursuzluqlara görə ünvanınıza yönəlmiş tənqidləri necə qəbul edirsiniz?
– Mən artıq 40 ildir ki, məşqçi işləyirəm.
