Sebalyosun yeni klubu məlum oldu – RƏSMİ
“Real”ın sabiq futbolçusu Dani Sebalyos yetirməsi olduğu “Betis”ə qayıdıb.
Msport.az xəbər verir ki, 30 yaşlı ispaniyalı yarımmüdafiəçi 2029-cu ilin yayına qədər nəzərdə tutulan müqaviləyə imza atıb.
O, Sevilya təmsilçisinə azad agent kimi keçib.
Sebalyos 2014-2017-ci illərdə “Betis”də çıxış edib.
O, 2017-2026-cı illərdə “Real”ın formasını geyinib.
Madrid klubunda 215 matçda meydana çıxan futbolçu 16 titul qazanıb.
Sebalyos İspaniya millisində 13 oyun keçirib.
