“Sumqayıt”dan növbəti transfer
2023/24 mövsümü üçün transfer çalışmalarını davam etdirən “Sumqayıt” FK daha bir futbolçunun keçidini reallaşdırıb.
Msport.az xəbər verir ki, sözügedən klub Şimali Makedoniyanın “AP Brera” komandasının futbolçusu Kristian Velinovski ilə 2 illik müqavilə imzalayıb.
24 yaşlı cinah oyunçusu “18” nömrəli formada çıxış edəcək.
Velinovski karyerası ərzində Şimali Makedoniyanın “Breqalnitsa” və “AP Brera” klublarında çıxış edib. Velinovski Şimali Makedoniyanın 21 yaşlılardan ibarət milli komandasına da dəvət alıb.
