U-21-in Portuqaliya və Bolqarıstanla oyunlar üçün heyəti açıqlandı
21 yaşadək futbolçulardan ibarət Azərbaycan millisinin Avropa çempionatının seçmə mərhələsi çərçivəsində Portuqaliya yığması ilə səfərdə, Bolqarıstan seçməsi ilə evdə keçirəcəyi oyunun heyəti müəyyənləşib.
Msport.az xəbər verir ki, sentyabrın 1-də təlim-məşq toplanışına yığışacaq U-21 sentyabrın 5-də, Bakı vaxtı ilə saat 22:30-da Barseluşda Portuqaliya, sentyabrın 9-da, saat 18:00-da isə Bakıda Bolqarıstan yığması ilə qarşılaşacaq.
B qrupunda yer alan komandamız sentyabrın 2-dən 3-nə keçən gecə Portuqaliyaya yola düşəcək.
U-21-ə dəvət edilən futbolçuların adlarını diqqətinizə çatdırırıq: Səlim Həşimov, Sənan Muradlı, Rüfət Abbasov, Edqar Adilxanov, Emil Süleymanov, Oruc Məmmədov (hamısı “Şamaxı”), Xəyal Fərzullayev, Nadir Orucov, Ayxan Süleymanlı, Nihad Əhmədzadə (hamısı “Sumqayıt”), Rəvan Mirzəmmədov, Elgün Dünyamalıyev (hər ikisi “Sabah”), İbrahim Ramazanov, Sadiq Şəfiyev (hər ikisi “Turan Tovuz”), Raul Məmmədov, Elcan Əbilov (hər ikisi “Kəpəz”), Murad Məmmədov, Ağadadaş Salyanskiy (hər ikisi “Neftçi”), Emin Rüstəmov (“Səbail”), Eşqin Əhmədov (“Qəbələ”), Əkbər Eyubov (“Zirə”), Hikmət Cəbrayılzadə (“Qarabağ”), Həsən Nəzərli (“Ankaragücü”, Türkiyə), Nahid Əliyev (“Şəfa”).
