UEFA AFFA-nı 15 000 avro cərimələdi
UEFA AVRO-2024-ün seçmə mərhələsində İsveç və Azərbaycan yığmaları arasında keçirilmiş oyunda baş verənlərə görə AFFA-nı cərimələyib.
Msport.az xəbər verir ki, buna sözügedən qarşılaşmada azərbaycanlı azarkeşlərin davranışları səbəb olub.
Milli assosiasiya fanatların meydana yad əşya atmalarına görə 10 000 avro, matçın oynanıldığı “Friends Arena”ya dəymiş ziyana görə isə 5 000 avro cərimə olunub.
Bundan başqa, UEFA-nın göstərişinə əsasən, AFFA stadionla bağlı zərəri də qarşılamalıdır.
Qeyd edək ki, İsveç – Azərbaycan matçı millimizin 0:5 hesablı məğlubiyyəti ilə nəticələnib.
