UEFA Gənclər Liqası: “Qəbələ” “Olimpiakos”u qəbul edəcək
Bu gün “Qəbələ”nin U-19 komandası UEFA Gənclər Liqasında bu gün növbəti matçına çıxacaq.
Msport.az xəbər verir ki, “qırmızı-qaralar” ikinci mərhələnin ilk matçında Yunanıstan təmsilçisi “Olimpiakos”u qəbul edəcək.
Qəbələ şəhər stadionundakı qarşılaşma saat 16:00-da start götürəcək.
“Qəbələ” birinci mərhələdə “Puşkaş Akademiya”nı (Macarıstan) mübarizədən kənarlaşdırıb (1:1, 1:0). “Qəbələ” “Olimpiakos”u keçsə, pley-ofa yüksələcək..
Bu komandalar arasında cavab görüşü noyabrın 29-da Pireydə keçiriləcək.
8 noyabr
UEFA Gənclər Liqası
Çempionlar yolu, 2-ci mərhələ
İlk oyun,
16:00. “Qəbələ” (Azərbaycan) – “Olimpiakos” (Yunanıstan)
Baş hakim: Qoqa Kikaçeişvili
Qəbələ şəhər stadionu