Uilşer məşqçi kimi ilk kubokunu qazandı
“Arsenal”ın sabiq futbolçusu Cek Uilşer məşqçi kimi ilk kubokunu qazanıb.
Msport.az xəbər verir ki, onun çalışdırdığı “Luton Taun” EFL kuboku uğrunda görüşdə “Stokport Siti” ilə qarşılaşıb.
“Luton Taun” oyunda 3:1 hesabı ilə qalib gələrək mükafata sahib çıxıb. Bununla da Cek Uilşer karyerasının ilk kubokunu əldə edib. Onun məşqçi kimi 1-ci klubu da məhz “Luton Taun”dur. 34 yaşlı mütəxəssis ötən ilin oktyabr ayından bu komandanı çalışdırır.
Qeyd edək ki, “Luton Taun” İngiltərənin 1-ci liqasında mübarizə aparır. Onlar hazırda sıralamada 61 xalla 10-cudurlar.
