"9 mümkün xaldan altısını itirdik" - Kurban Berdıyev
“Turan Tovuz” Azərbaycan Premyer Liqasının 13-cü turunda doğma meydanda “Neftçi” ilə qolsuz bərabərə qalıb – 0:0.
Msport.az xəbər verir ki, Qərb klubunun baş məşqçisi Kurban Berdiyev matçdan sonra oyunu dəyərləndirib:
– Təxmin etdiyimiz kimi ağır oyun oldu. Belə oyunlar qola qədər olur. Təəssüf ki, qol vura bilmədik. 2 xal itirdiyimizi düşünürəm. Amma “Neftçi”nin də haqqını vermək lazımdır. Onlar da yaxşı oynadılar.
– “Neftçi”də baş məşqçi dəyişikliyi oldu. Komandanızı oyuna necə hazırladız?
– Adətən belə komandalara qarşı oynamaq çətin olur. Çünki komanda belə hallarda daha istəkli oynayır. “Neftçi” də bu gün yaxşı oynadı.
– Ardıcıl 3-cü oyundur “Turan Tovuz” qələbə qazana bilmir. Bunun səbəbi nədir?
– Paltardəyişmə otağında uşaqlara dedim ki, 9 mümkün xaldan 6-sını itirdik. Yüksək səviyyədə olan rəqiblərlə oynamışıq. Həlledici məqamlarda daha yaxşı oynaya bilərdik.
