"Araz Naxçıvan" kubokda mübarizəni dayandırdı
Azərbaycan kubokunun 1/8 final mərhələsinə yekun vurulub.
Msport.az xəbər verir ki, son oyun günündə 3 matç keçirilib.
“Sumqayıt” “Difai”ni 3:1 hesabı ilə məğlub edərək, 1/4 finala vəsiqə qazanıb. “Gənclik şəhəri” təmsilçisi növbəti mərhələdə “Zirə” ilə qarşılaşacaq.
Digər matçda “Araz-Naxçıvan” “Kəpəz”lə qarşılaşıb. Oyunun əsas vaxtında qalib müəyyənləşməyib. Əlavə vaxtda “Kəpəz” fərqlənərək növbəti mərhələyə yüksəlib. Gəncə klubu 1/4 finalda “Turan Tovuz”la qarşılaşacaq.
“Qəbələ” isə “Şəfa” üzərində 2:1 hesabı ilə qələbə qazanıb.
Qeyd edək ki, Azərbaycan kubokunda 1/8 final mərhələsi bir oyundan ibarətdir.
4 dekabr
Azərbaycan Kuboku
1/8 final
19:00. “Araz-Naxçıvan” – “Kəpəz” – 0:1
Qol: Ohori, 115 (0:1)
Hakimlər: Cavid Cəlilov, Kamran Bayramov, Müslüm Əliyev, İslam Məmmədov.
VAR: Elçin Məsiyev.
AVAR: Kamranbəy Rəhimov.
“Liv Bona Dea Arena”
19:00. “Difai” – “Sumqayıt” – 1:3
Qollar: Ronaldo Vaskez, 9 (0:1), Kamil Qardaşlı, 67 (1:1), Ronaldo Vaskez, 75 (1:2), Aleksandr Ramalinqom, 90+3 (1:3)
Qırmızı vərəqə: Roman Hüseynov, 84 (“Difai”)
Hakimlər: Nicat İsmayıllı, Pərvin Talıbov, Zöhrab Abbasov, Vüqar Həsənli.
Mehdi Hüseynzadə adına Sumqayıt şəhər stadionu
15:00. “Qəbələ” – “Şəfa” – 2:1
Qollar: İbrahim Sanqare, 2 (1:0), Emin Zamanov, 5 (1:1), İbrahim Sanqare, 53 (2:1)
Hakimlər: Əli Əliyev, Teymur Teymurov, Gülnurə Əkbərzadə, Kamran Əliyev.
Qəbələ şəhər stadionu
2 dekabr
“Zirə” – “Neftçi” – 1:0
“Şahdağ Qusar” – “Turan Tovuz” – 1:2
3 dekabr
“Qarabağ” – “Karvan-Yevlax” – 3:0
“Şamaxı” – “Bakı Sportinq” – 1:0
“İmişli” – “Sabah” – 1:2
1/4 finalda qarşılaşacaqlar:
“Turan Tovuz” / “Kəpəz”
“Zirə” / “Sumqayıt”
“Şamaxı” / “Qarabağ”
“Sabah” /“Qəbələ”
