Avropa Liqası: "Qarabağ" ilk oyununu səfərdə "Frayburq"a qarşı keçirəcək
“Qarabağ”ın UEFA Avropa Liqasının G qrupundakı oyunlarının təqvimi bəlli olub.
Msport.az xəbər verir ki, Ağdam klubu ilk matçını sentyabrın 8-də Almaniyada “Frayburq”a qarşı keçirəcək.
Qurban Qurbanovun komandası sentyabrın 15-də Bakıda Fransa “Nant”ını qəbul edəcək. Oktyabrın 6-da Yunanıstanda “Olimpiakos”un qonağı olacaq ölkə çempionu oktyabrın 13-də Afina təmsilçisi ilə doğma divarlar arasında qarşılaşacaq.
“Qarabağ” V turda səfərdə “Nant”la, sonuncu turda isə Bakıda “Frayburq”la üz-üzə gələcək.
