Avropa Liqasında finalçılar müəyyənləşir
UEFA Avropa Liqasında finalçılar bu gün bəlli olacaq.
Msport.az xəbər verir ki, yarımfinal mərhələsinin cavab görüşlərindən biri İtaliyada, digəri Almaniyada baş tutacaq.
“Atalanta” Fransanın “Marsel” kollektivini qəbul edəcək. Komandalar arasındakı ilk matçda heç-heçə qeydə alınıb – 1:1.
İtaliyanın digər təmsilçisi “Roma” Almaniyada “Bayer 04″ün qonağı olacaq. Leverkuzen təmsilçisi birinci görüşdə rəqibini iki cavabsız qolla üstələyib.
UEFA Konfrans Liqasında isə ikinci finalçının adına aydınlıq gələcək. İngiltərədə “Aston Villa”nı 4:2 hesabı ilə məğlub edən “Olimpiakos” Yunanıstan da uğurlu çıxış etməyə çalışacaq. Cütün qalibi finalda “Fiorentina” (İtaliya) ilə üz-üzə gələcək.
Hər üç qarşılaşma Bakı vaxtı ilə saat 23:00-da start götürəcək.
