"Azərbaycan dilini iki ilə öyrənmişəm" - Anton Krivotsyuk
Azərbaycan milli komandasının müdafiəçisi Anton Krivotsyuk DÇ-2026-nın seçmə mərhələsinin 5-ci turunun İslandiya ilə oyunundan əvvəl mətbuat konfransında iştirak edib.
Msport.az xəbər verir ki, yığmamızın üzvü öncə sabahkı matçdan danışıb
– Rəqibimizi yaxşı tanıyırıq. İslandiya güclü komandadır. Onların heyətində keyfiyyətli və kreativ futbolçular var. Çətin oyun olacaq. Amma biz də yaxşı hazırlaşmışıq. İnanıram ki, sabah ən yaxşı performansımızı göstərəcəyik.
– Azərbaycan dilində danışırsan. Harada öyrənmisən?
– İki ilə öyrənmişəm. Amma uzun müddətdir danışmırdım. İndi yaxşı şansım var ki, sizinlə danışım.
– Ayxan Abbasovun gəlişindən sonra nə dəyişib?
– Çox şey dəyişməyib. Görürsüz ki, indi hamıda milli ruh var. Həm də yaxşı kollektivimizimiz var. Uğurlu nəticələr göstərməyə çalışırıq. İnanıram ki, sabah da bunu göstərə bilərik.
