Azərbaycan UEFA reytinqində gerilədi
Avrokubokların II təsnifat mərhələsinin baş tutmuş cavab oyunlarından sonra növbəti UEFA reytinqi açıqlanıb.
Msport.az xəbər verir ki, qeydə alınan nəticələrdən sonra reytinq siyahısında dəyişikliklər qeydə alınıb.
“Sumqayıt” Konfrans Liqasının II təsnifat mərhələsinin cavab oyununda Macarıstanda “Fehervar”la qolsuz heç-heçə edib və bununla ölkəmizə 0,125 xal qazandırıb. Hazırda 18.125 xalı olan Azərbaycan reytinqdə 25-ci pillədə qərarlaşıb. Bu isə o deməkdi ki, bir həftə əvvəllə müqayisədə ölkəmiz 1 pillə geriləyib. Əvəzində Slovakiya 24-cü yerə yüksəlib.
Qeyd edək ki, cədvələ 89,160 xalla İngiltərə başçılıq edir.
