Azərbaycanlı hakimlər UEFA seminarında iştirak edəcək
FIFA referiləri Əliyar Ağayev və Elçin Məsiyev UEFA seminarında iştirak edəcək.
Msport.az xəbər verir ki, Ə.Ağayev sentyabrın 3-dən 6-dək İsveçrənin Cenevrə şəhərində UEFA-nın ən yaxşı hakimləri üçün 2023/24 yay kursunda iştirak edəcək. Seminara Elit və Birinci dərəcəli hakimlər arasından seçilmiş referilər dəvət edilib.
Toplantının əsas məqsədləri bunlardır:
– UEFA-nın əvvəlki mövsümdəki oyunlarının təcrübəsini öyrənmək;
– Yeni mövsüm üçün əsas təlimatlarla tanış olmaq;
– İştirakçıların fiziki hazırlıq səviyyəsini yoxlamaq.
E.Məsiyev isə 29-31 avqust tarixlərində UEFA-nın baş ofisində UEFA Talant və Mentor proqramı çərçivəsində təşkil ediləcək proqramda iştirak edəcək.
