Bu gün İstanbul derbisi keçiriləcək
Bu gün Türkiyə Superliqasında XV turunda İstanbul derbisi baş tutacaq
Msport.az xəbər verir ki, prinsipial görüşdə “Beşiktaş” və “Fənərbağça” komandaları üz-üzə gələcək. “Beşiktaş Park” stadionunda reallaşacaq İstanbul derbisi Bakı vaxtı ilə saat 20:00-da start götürəcək. Qarşılaşmanı baş hakim Mehmet Türkmən idarə edəcək.
İndiyədək bu komandalar 359 dəfə qarşılaşıblar. Bu matçlarda “Fənərbağça” 135, “Beşiktaş” isə 127 qələbə qazanıb. 97 görüş heç-heçə ilə bitib.
Əzəli rəqabətdə topların nisbəti də “Fənərbağça”nın xeyrinədir – 499:457.
