Cüdoçularımız Avropa Kata çempionatında iştirak edəcək
Azərbaycan cüdoçuları Bosniya və Herseqovinanın paytaxtı Sarayevoda keçiriləcək Avropa Kata çempionatında iştirak edəcək.
Msport.az xəbər verir ki, iyirmi ölkədən 306 idmançının iştirak edəcəyi yarışda Azərbaycan böyüklər arasında 6 idmançı ilə təmsil olunacaq. Cüdoçular “Nage-no-Kata” və “Katame-no-Kata” üzrə fəndləri nümayiş etdirəcək.
Kata çempionatının ilkin yarışları 10 iyunda başlayacaq, finallar isə 11 iyunda keçiriləcək.
Qeyd edək ki, Azərbaycan cüdoçuları 12-14 iyunda Sarayevoda baş tutacaq Kodokan seminarında iştirak edəcək.
“Nage-no-Kata”
Malik Alahverdiyev – tori (hücum edən idmançı)
Samir İsmayılov – uke (hücum edilən idmançı)
İsmayıl Rzayev – tori
İbrahim Aslanov – uke
“Katame-no-Kata”
Rafiq Nəcəfov – tori
Əmrah Əhmədov – uke.
