"Dinamo"nun baş məşqçisi onu "Qarabağ"la oyuna hazırlayır
Xorvatiyanın “Dinamo” (Zaqreb) klubunun futbolçusu Marko Pyatsa zədələnib.
Msport.az xəbər verir ki, bu barədə komandanın baş məşqçisi Sergey Yakiroviç “Şibenik”ə 3:0 hesabı ilə qalib gəldikləri çempionatın III tur matçından sonra mətbuat konfransında məlumat verib.
“Cümə axşamı dabanından xəsarət aldı. Ağrıları var idi. “Qarabağ”la qarşılaşmaya hazır olması üçün risk etmədik”, – deyə mütəxəssis vurğulayıb.
Qeyd edək ki, “Qarabağ” Çempionlar Liqasının pley-off mərhələsində bu komandaya qarşı ilk matçını avqustun 20-də səfərdə, cavab oyununu isə 28-də Bakıda keçirəcək.
