Dünya reytinqi: “Qarabağ” gerilədi, "Neftçi" siyahıdan çıxarıldı
Beynəlxalq Futbol Tarixi və Statistikaları Federasiyası (IFFHS) dünya klublarının yeni reytinq siyahısını tərtib edib.
Msport.az xəbər verir ki, bu barədə qurumun rəsmi saytı məlumat yayıb.
Azərbaycan cədvəldə üç klubla təmsil olunub. Ən yaxşı təmsilçimiz “Qarabağ” 174,75 xalla dünyada 60-cıdır. Qurban Qurbanovun komandası ötən ayla müqayisədə 8 pillə geriləyib.
10 addımlıq sıçrayış edən “Zirə” 95,75 xalla 201-ci yerdədir. 60,75 xala malik “Sabah” 17 pilləlik irəliləyişlə 41-cidir. Ötən cədvəldə 482-ci olan “Neftçi” siyahını tərk edib.
Qeyd edək ki, 503 klubun olduğu siyahıya 420 xala malik “Real” başçılıq edir.
