Elçin Səmədliyə yeni beynəlxalq təyinat
Beynəlxalq dərəcəli hakim-inspektor Elçin Səmədli təyinat alıb.
Msport.az xəbər verir ki, Səmədli qadın futbolçulardan ibarət komandalar arasında futzal üzrə Avropa çempionatının ilkin seçmə mərhələsinin C qrupunda keçiriləcək oyunlarda iştirak edəcək.
Bu qrupda Sloveniya, Qazaxıstan, Bosniya və Herseqovina və Litva milli komandaları mübarizə aparacaq. Oyunlar may 11-dən 14-dək Litvada təşkil olunacaq.
