Ən yaxşı baş məşqçilər: Fernando Santuş 28-ci pillədə
Nüfuzlu “FourFourTwo” nəşri Futbol tarixinin ən yaxşı milli məşqçilərinin siyahısını tərtib edib.
Msport.az xəbər verir ki, cədvəldə 32 mütəxəssis göstərilib.
Siyahıya Helmut Şön başçılıq edir. 1964-78-ci illərdə AFR yığmasını çalışdıran mütəxəssis DÇ-1974 və AVRO-1972-nin qızıl, DÇ-1966 və AVRO-1976-nın gümüş, DÇ-1970-in bürünc mükafatını qazanıb.
İtaliyalı Vittorio Pottso ikinci, ispaniyalı Visente del Boske üçüncüdür. “Top-5”də braziliyalı Mario Zaqalo və fransalı Didye Deşam da yer alıb. Azərbaycan millisinin baş məşqçisi Fernando Santuş 28-ci pillədə qərarlaşıb.
Qeyd edək ki, Santuş Portuqaliya millisi ilə AVRO-2016-nın qalibi olub.
