"Fənərbağça"nın futbolçularına 1 oyunluq cəza
Superliqanın XXX turunda “Trabzonspor”la oyunda azarkeşlərlə dalaşan “Fənərbaxça”nın 2 futbolçusu cəzalandırılıb.
Msport.az xəbər verir ki, bunlar Ceyden Ostervolde və İrfan Can Eğribayatdı.
Türkiyə Futbol Federasiyasının İntizam Komitəsi onların hər ikisinə 1 matçlıq sanksiya tətbiq edib. “Fənər”in digər üzvü Osayi Samuel isə cəza almayıb.
“Trabzonspor” isə azarkeşlərin meydana daxil olması ucbatından 6 ev matçını azarkeşsiz keçirməli olacaq.
Qeyd edək ki, oyun “Fənərbaxça”nın 3:2 hesablı qələbəsi ilə yekunlaşıb.
