I Liqada biabırçılıq - "İrəvan" futbolçu tapmadı
Azərbaycan çempionatının I Liqasında çıxış edən “İrəvan” növbəti dəfə problemlə üz-üzə gəlib.
Msport.az xəbər verir ki, bu, sonuncu – XXVII turun “Karvan”la bugünkü matçında yaşanıb.
Baş məşqçi Nazim Süleymanov meydana buraxmağa futbolçu tapmayıb. Onun sərəncamında 2 qapıçı və cəmi 9 sahə oyunçusu qalıb.
Bu üzdən Süleymanov “11-lik” düzəltmək üçün iki qapıçıdan yararlanıb. Matçın protokolunda Süleyman Süleymanov qapıçı, belaruslu Andrey Sinenka isə sahə oyunçusu kimi yer alıb. “İrəvan”ın ehtiyat oyunçusuz keçirəcəyi qarşılaşma saat 16:00-da başlayacaq.
Qeyd edək ki, “İrəvan” cari mövsümdə futbolçu çatışmazlığı ilə dəfələrlə üzləşib.
