"İmişli" "Araz Naxçıvan"a, "Kəpəz" "Sabah"a qarşı
Azərbaycan Premyer Liqasında I turun oyunları davam edir.
Msport.az xəbər edir ki, bu gün açılış turunun daha iki görüşü keçiriləcək.
“Araz Naxçıvan” Qəbələdə “İmişli”ni qəbul edəcək. Hər iki komanda mövsümə yeni baş məşqçi ilə çıxacaq. Cavid Hüseynov Naxçıvan təmsilçisinin sükanı arxasında debüt edəcək.
Daha əvvəl “İmişli”ni I Liqada çalışdırmış Fərid Namazov da baş məşqçi kimi Premyer Liqada ilk oyununa çıxacaq.
Günün ikinci oyununda “Sabah” “Kəpəz”i qəbul edəcək. Hər iki komandanın razılığına əsasən matç Gəncədən Masazıra dəyişdirilib.
Qeyd edək ki, dünən start verilən ilk turun digər oyunları avqustun 16-17-də keçiriləcək.
Azərbaycan Premyer Liqası
I tur
15 avqust
18:30. “Araz-Naxçıvan” – “İmişli”
Hakimlər: Əliyar Ağayev, Zeynal Zeynalov, Akif Əmirəli, Ruslan Quliyev
VAR: Nicat İsmayıllı
AVAR: Tərlan Talıbzadə
Qəbələ şəhər stadionu
20:45. “Sabah” – “Kəpəz”
Hakimlər: Fərid Hacıyev, Rəhman İmami, Müslüm Əliyev, Əli Əliyev
VAR: Rauf Cabarov
AVAR: Elşad Abdullayev
“Bank Respublika Arena”
16 avqust
19:00. “Sumqayıt” – “Neftçi”
21:00. “Zirə” – “Şəfa”
17 avqust
19:30. “Qarabağ” – “Şamaxı”
15 avqust
“Turan Tovuz” – “Qəbələ” – 1:0
