"Kəpəz"də baş məşqçinin köməkçiləri
“Kəpəz” komandasında baş məşqçi Azər Bağırovun köməkçiləri müəyyənləşib.
Bu barədə Msport.az-a Gəncə təmsilçisinin mətbuat xidmətindən məlumat verilib.
Mütəxəssisə Rakif Əliyev (analitik məşqçi), Araz Bağırov, Zaur Əsədov və Vüqar Məmmədov (qapıçı məşqçi) kömək edəcək.
Qeyd edək ki, “Kəpəz” sentyabrın 1-də Azər Bağırovla ikiillik müqavilə imzalandığını açıqlayıb.
