"Kəpəz"də daha bir qalmaqal!
“Kəpəz”də daha bir xoşagəlməz hadisə yaşanıb. Bir müddət əvvəl Rauf Əliyevi məşqdən qovub sonra hücumçunu əvəzedici komandaya göndərən Tərlan Əhmədov indi də Əfran İsmayılovla problem yaşayıb.
Msport.az-ın əldə etiyi məlumata görə, baş məşqçinin davranışlarından narazı qalan 34 yaşlı futbolçu onunla mübahisə edib. Daha sonra tərəflər bir-birlərini təhqir edib, söyüblər. Baş məşqçi ilə futbolçunu komandanın digər üzvləri çətinliklə sakitləşdiriblər.
Hadisədən sonra düşərgəni tərk edən yarımmüdafiəçi Bakıya gəlib.
Xatırladaq ki, Tərlan Əhmədovla Rauf Əliyev də bir-birlərini mətbuat vasitəsi ilə tənqid etmişdilər. Bundan başqa, “Kəpəz”ın çalışdırıcısısnın Əli Səmədovla da münasibətləri korlanmış və onu da əvəzedici heyətə göndərmişdi. Son olaraq isə Elvin Yunuszadə də əsas komandadan uzaqlaşdırılıb.
