“Kəpəz”də üç müqavilə
“Kəpəz” gənc futbolçuları ilə sözləşmə bağlayıb.
Msport.az klubun mətbuat xidmətinə istinadən xəbər verir ki, Gəncə futbol məktəbinin 3 yetirməsi ilə yeni müqavilə imzalanıb.
Əvəzedici heyətdə çıxış etmiş müdafiəçilər Ümid Səmədov və Arzu Atakişiyev, həmçinin hücumçu Cavad Kərimov daha 3 il “Kəpəz”in uğurları üçün çalışacaq.
Uzunmüddətli müqavilələr ilə bu futbolçuların yaxın gələcəkdə “Kəpəz”in əsas üzvlərinə çevriləcəyinə inam ifadə olunub.
