"Kəpəz"in qol silahı "Neftçi"dən təklif alıb? - Şuaybu ilə müsahibə
“Kəpəz”in hücumçusu Abdullahi Şuaybunun Msport.az saytına müsahibəsi
– “Neftçi” ilə oyunda fərqləndiniz və bu sizin Azərbaycanda 11-ci qolunuz oldu. Belə uğurlu çıxış gözləyirdiniz?
– Allaha şükürlər olsun, qol vura bildim. Buna görə çox xoşbəxtəm, əla hisslər keçirirəm. Amma bu, hələ son deyil. İrəliyə baxır və daha çox fərqlənmək istəyirəm.
– Bəs, oyunla bağlı nə deyə bilərsiniz?
– Matç çox çətin keçdi. İlk hissədə rəqibi təzyiq altında saxlaya bildik. Yaxşı çıxış etsək də, 3 top buraxıb məğlub olduq.
– Sizcə, qələbə hesabını qorumağa nə mane oldu?
– Bu, futboldur. Belə hallar olur. Artıq “Neftçi” ilə görüşü unutmalıyıq.
– Mövsüm başa çatır. Gələcək planlarınız necədir?
– Klub rəhbərliyi və agentimin qərar verməsini gözləməliyəm.
– “Kəpəz”dən sizə yeni müqavilə təklif olunub?
– Dediyim kimi, hələlik gözləmə mövqeyindəyəm. Nəyin necə olacağını zaman göstərəcək.
– “Neftçi”nin sizinlə maraqlandığı barədə xəbərlər dolaşır. Bu iddialar nə dərəcədə həqiqətə uyğundur?
– Bu barədə heç nə bilmirəm. Məlumatım yoxdur. Transfer məsələləri ilə agentim məşğul olur.
