Əliyar Ağayev Avropa Liqasının oyununda
Əliyar Ağayev UEFA Avropa Liqasının oyununa təyinat alıb.
Msport.az xəbər verir ki, azərbaycanlı FİFA referisi “Selta” (İspaniya) – “Yunion” (Belçika) matçını idarə edəcək.
Liqa mərhələsinin 4-cü turunun oyununda yan xətdə Zeynal Zeynalov və Akif Əmirəli iş başında olacaq. Dördüncü hakim funksiyasını Rauf Cabarov yerinə yetirəcək.
Qeyd edək ki, İspaniyanın Viqo şəhərində noyabrın 5-dən 6-na keçən gecə keçiriləcək qarşılaşma Bakı vaxtı ilə saat 00:00-da start götürəcək.
