"Kəpəz" Küveyt klubunu məğlub etdi
Yeni mövsümə hazırlaşan “Kəpəz” növbəti yoxlama oyunu keçirib. Msport.az xəbər verir ki, Gəncə klubu Qəbələdə ölkəmizdə təlim-məşq toplanışında olan Küveytin “Əl-Yarmuk” komandası ilə qarşılaşıb.
Matç Adil Şükürovun komandasının 2:1 hesablı qələbəsi ilə yekunlaşıb. “Kəpəz”in heyətində ilk hissədə Lassana Ndiaye və Kərim Lkoça fərqlənib.
