Konfrans Liqası: "Zirə"nin səfərdəki oyununda estoniyalı hakimlər
UEFA Konfrans Liqasının pley-off mərhələsinin ilk oyunları çərçivəsində keçiriləcək “Omoniya” – “Zirə” matçının təyinatları açıqlanıb.
Msport.az xəbər verir ki, qarşılaşma Estoniyadan olan hakimlər briqadasına tapşırılıb.
Baş hakim Yuri Frişer olacaq. Ona Veiko Motsnik və Sander Saqa köməklik göstərəcək. Dördünkü hakim funksiyasını Kristo Küllyastinen yerinə yetirəcək. VAR-da Kristo Tohver, AVAR-da Jonas Janovits əyləşəcək.
Qeyd edək ki, avqustun 22-də GSP stadionunda təşkil olunacaq matç Bakı vaxtı ilə saat 21:00-da start götürəcək. Cavab qarşılaşması bir həftə sonra baş tutacaq.
